2025-mi 1. kvartalimi aalisakkanik qalerualinnillu avataasiorluni aalisarneq

Matumuuna 2025-mi kvartalimi siullermi avataasiorluni aalisarnermi kisitsisit Naatsorsueqqissaartarfimmit saqqummersinneqarput. Pineqartut tabelinngorlugit kisitsisaataasivimmilu kisitsisit tunuliaqutaralugit takussutissiarineqarput. Tabelimi takuneqarsinnaapput 2021-miit 2025-mut kvartalini siullerni saarullinnut, qeralinnut kinguppannullu nalunaarsuutit.

 

2025-mi kvartalit siullianni kisitsisaagallartut takutippaat saarulliit pisat annikillinerat, kinguppaalli annertunerulerput, pingaartumik qalerallit.

 

Piffissami pineqartumi nalunaarusianik amigaateqartoqarsinnaanera peqqutigalungu kisitsisinik atuinermi tamanna eqqumaffigineqassaaq.

 

Piffissani 2021-miit 2025-mut kvartalini siullerni annertussutsit tonsinngorlugit, Kalaallit Nunaannit avataasiorluni aalisariutinit pisat

Suussutsit	2021	2022	2023	2024	2025
Saarullik .....	10.439	11.655	10.221	14.242	11.324
Qaleralik .....	883	696	96	926	7.212
Kinguppaat ...	13.457	15.134	10.844	13.428	15.078

Najoqqutaq: Naatsorsueqqissaartarfik – Kisitsisaataasivimmi kisitsisit takukkit https://bank.stat.gl/FIN008

 

2024-mi saarulliit pisat 14.242 tonsinik annertussuseqarlutik annertunerpaasimasut 2025-mi 11.324 tonsinut annikillipput.

 

2024-mi qalerallit pisat 926 tonsiusimasut 2025-ni 7.212-inut annertunerulerput.

 

2023-miilli kinguppaat pisat annertuneruleriartorput, 10.844-niit 2025-mi 15.078 tonsinut annertunerulersimallutik.

 

Kisitsisaataasivimmi pisat annertussusaannut kisitsisit suussutsinut, aalisarfinnut, Kalaallit Nunaannit aalisariutinut nunaniillu allaniit aalisariutinut immikkoortitikkat kiisalu piffissami 2012-imiit 2025-mi kvartali siulleq ilanngullugu naatsorsukkat nassaarineqarsinnaapput.

 

Taassuma saniatigut piffissami pineqartumi qalerallit, saarulliit kinguppaallu qalipaajakkat aamma qalipaajarneqanngitsut ooqanngitsullu qerisut nalinginut naatsorsuutit, avammut tunisat akii najoqqutaralugit kisinneqarsimasut, nassaarineqarsinnaapput.